ABULFAYZXON

Fitrat dramaturgiyasi tarixiy mavzu keng oʻrin olgan. Dramaturgning mashhur asarlari qatoridan oʻrin olgan “Abulfayzxon” pyesasi adabiyotimizda tarixiy mavzuda yozilgan birinchi drama hisoblanadi. Fitrat adabiy-badiiy ijodining choʻqqisi hisoblangan mazkur fojia voqea mazmuni va tarixiy faktlarga boy, real asar boʻlishi bilan jozibali. Pyesada ashtarxoniylar sulolasining soʻnggi vakili Abulfayzxon davrida Buxoro oʻlkasida yuz bergan fojia aks ettiriladi. Asarda Abulfayzxoning toj-taxtga daʼvogarlik qilgan barcha merosxoʻrlar otasi, ogʻa-inilari, yaqin va uzoq qarindosh-urugʻlarini oʻldirib hokimiyat sari kelishi katta badiiy kuch bilan gavdalantirilgan. Buxoro tarixini qoʻliga kiritgan Abulfayzxon shubha va taʼqib vasvasiga tushib, hokimiyatni qoʻlga kiritishga koʻmaklashgan ishonchli safdoshlari, oʻziga sadoqatli jangchi lashkarboshlarni, viloyat hokimlarini qirgʻin qilishga kirishadi. “Abulfayzxon” fojiasi 20-yillar oʻzbek adabiyotining katta yutugʻi boʻlib qoldi.