AGAR OSHIQLIGIM AYTSAM

Yurtimizda Mashrab nomini bilmaydigan o‘zbek, shoirning dilo‘rtar she’rlari kirib bormagan xonadon, uning hassos baytu misralarini yod bilmaydigan adabiyot muxlisi topilmasa kerak. U tom ma’nodagi xalq shoiri bo‘lib, barcha she’rlari og‘izdan-og‘izga o‘tib bizgacha yetib kelgan: uning qo‘shiqqa aylanib, tilga tushmagan, dildan joy olmagan she’ri yo‘q hisobi. Bu ko‘ngilga yaqin isyonkor va otashin, mahzun va dardli, sho‘x va o‘ynoqi, musiqiy va jarangdor she’rlar o‘z-o‘zidan o‘rgilab quyga tushib ketaveradi. Shoirning otashqadaga aylangan qalbidan otilib chiqqan o‘tli misralaridan birgina uchqun tushgan yurak bir umr Mashrab she’rlarining oshig‘u shaydosiga aylanadi. Ushbu to‘plamga uning eng mashhur, eng sevimli, eng barkamol g‘azalu mustazodlari hamda murabba’, muxammas, musaddas va musabba’laridan namunalar kiritildi.