ALISHER NAVOIY

«Hazrat Alisher Navoiy - nainki Oʻrta asrda yashab oʻtgan bir mutafakkir, aksincha, u har bir davr uchun zamon kishisi. U bizning donishmand zamondoshimizdir. Ulugʻ bobomiz asarlarini necha yuz yillar davomida tushunib oʻqigan va bugun ham anglab oʻqiyotgan insonlar oʻz yuraklarini ogʻritib qiynayotgan savollarga, oʻz samosiga oid barcha maʼnaviy va ruhiy muammolarga javob topa oladi. Shu maʼnoda, hayotda hidoyat qidirgan odam uni hazrat Navoiydan soʻrasa, shak-shubhasiz, topqusidir. Bani bashar to hazrat Navoiyga oshno ekan, karvoni adashmas. Insonlar bu benazir zotning zavol bilmas soʻzlariga quloq tutar ekan, bu karvon xavfu xatardan xolidir. «Alisher Navoiy» — avvalo, Yaratgan Parvardigor va uning ijodi boʻlmish inson zotiga, inson dahosiga ulkan muhabbat, cheksiz ixlos, zavqu shavq bilan dunyoga kelgan asar, desak yanglishmagan boʻlamiz».