ALVON YELKANLAR

Aleksandr Grinning «Alvon yelkanlar» qissasi Assol ismli qizaloqning ogʻir va iztirobli hayoti haqida soʻzlaydi. Assol goʻdaklik chogʻidanoq onasidan ajrab qoladi. Otasi esa oʻzini qizalogʻining tarbiyasiga bagʻishlaydi. Ammo moʻjizalarga ishonch ruhida oʻstiradi. Bir kuni qizaloq Egil ismli keksa ertakchini uchratib qoladi. Egil esa qizaloqqa qachonlardir uni soʻroqlab alvon yelkanli kemada shahzoda kelishini aytadi. Qizcha ana shu gapga ishonadi va sadoqat bilan oʻzining saodatli damlarini kutib yashaydi. Bu yoʻlda qanchadan-qancha azob-uqubat chekadi. Boshiga malomat toshlari yogʻiladi. Yoʻqchilik, dasti qisqalik hamisha ortidan ergashib yuradi. Ammo u hech qachon taslim boʻlmaydi. Oʻz saodati uchun mehnat qilishdan chekinmaydi. U moʻjiza oʻz-oʻzidan kelmasligini, uni inson oʻzi qoʻli bilan yaratishi lozimligini anglagan daqiqalardan, boshqalarni ham ana shu haqiqatga ishontiradi. Oradan yillar oʻtib, ertakchi cholning bashorati roʻyobga chiqadi: ufq tomondan suzib kelayotgan alvon yelkanlar koʻzga tashlanadi... Bir soʻz bilan aytganda, mazkur asar oʻquvchiga ishonch va sadoqat, sabrning tagi oltin ekanini Assol hayoti misolida isbotlaydi.