Anushteginiy-Xorazmshohlar davlati (1097–1231)

Ozarbayjonlik tarixchi va sharqshunos Ziyo Buniyotovning «Anushteginiy-Xorazmshohlar davlati» asari Markaziy Osiyoda yashagan xalqlarning qariyb bir yarim asrlik tarixini o‘z ichiga oladi. Asarda Movarounnahrda vujudga kelib, o‘sha davrning qudratli saltanatlari bo‘lmish Saljuqlar davlati va Bag‘dod xalifaligini larzaga solgan, qoraxitoylarni tor-mor qilgan, g‘aznaviylarni ham bo‘ysundirgan, markazi Xorazm bo‘lgan, sarhadlari bepoyon, qudratli mamlakat tarixi aks ettirilgan. Xorazmshohlar davlatchiligi tarixi, siyosiy-iqtisodiy hayoti, yuksak madaniyati ishonchli va asl manbalar asosida yoritib berilgan. Kitob tarixga qiziquvchilar va keng jamoatchilik mutolaasi uchun mo‘ljallangan.