Bahor sevinchlari

Ergash Majidov (1937–2017) Samarqand viloyati Urgut tumanidagi Ispanza qishlog'ida tug'ilgan. Samarqand Davlat universitetining filologiya fakultetini bitirgach, "Tong yulduzi" gazetasida adabiy xodim bo'lib ishlagan. Keyinchalik, Ispanza qishlog'idagi 66-o'rta umumta'lim maktabida o'qituvchilik qilgan. Ergash Majidovning "Yuz bir chinor hikoyasi" nomli ilk kitobi 1972-yilda bosilib chiqdi. Uning "Osmondagi darvoza" (1974-yil), "Boychechak" (1987-yil), "Bizning olam" (1988-yil), "Tilism qilingan g'uncha" (2012-yil), "O'lmas qo'shiq" (2018-yil) kabi she'riy to'plamlari chop etilgan. Bolalar uchun yozgan she'rlari maktab darsliklariga ham kiritilgan. Qo'lingizdagi kitobda esa shoirning ko'p ma'noli so'zlar ishtirokida, so'z o'yinidan foydalangan holda yozgan ajoyib she'rlaridan bahramand bo'lasiz.