BAQIRMAYDIGAN ONALAR

Farzandingizni hurmat qilasizmi? Albatta, yaxshi koʻrasizmi deb soʻramoqchi emasman, chunki millati, irqi, dinidan qatʼi nazar ona maqomidagi zot borki, farzandini oʻz jonidan bir necha karra ortiq sevishi, shubhasiz! Ammo Yaratgandan begʻubor bir omonat, goʻzal hadya boʻlmish bolamizga munosib munosabat koʻrsatish, farzand tarbiyasida toʻgʻri yoʻlni tanlay olish, uning shaxsini qadrlash har doim, har birimizning qoʻlimizdan kelavermasligi rost. Qoʻlingizdagi mazkur kitobni nafaqat farzand oʻstirayotgan onalar, balki turmush ostonasidagi qizlar ham oʻqib ibrat olishlarini tavsiya qilamiz. Muallif bolalarga «bizniki» deb qarash notoʻgʻri ekani, aksincha, biz bor-yoʻgʻi Egasining oldidagi bir omonatchi ekanligimizni eslatib, farzand tarbiyasi borasidagi fikrlarimizni mutlaqo oʻzgartiradi, xatolarimizga oyna tutadi.