Baxt – Allohga ishonmoqdir

Inson o‘ziga berilgan ne’matlar uchun har dam, har on shukrona keltirib yashashi kerak. Aslida har bir inson baxtlidir, biroq oramizda o‘z baxtini anglolmay yashayotganlar ham borligi achchiq-da bu haqiqat har doim anglashilavermaydi. Kechagi kun o‘tdi, ertangi kun orzu, bugunimiz esa Robbimizdan bizga bir in’omdir. Nega bu in’omdan go‘zal tarzda foydalanmasligimiz kerak? Besh daqiqa keyin bu hayotda bormizmi-yo‘qmizmi – bilmaymiz, shunday ekan, hoziroq – shu lahzada baxtni his qilishimiz joiz emasmi? Xayotimizda ro‘y bergan og‘irqli voqealarni har gal eslar ekanmiz, ularni yana yashab o‘tgan kabi tushkunlikka tushamiz, vujudimiz kimyosi o‘zgaradi. Bu holat bizdan sog‘lig‘imizni tortib oladi. Demak, ayni damlarda yashaylik, o‘tmish g‘amlari yodi bilan emas. Shukr, sabr, kengfe’llik, xotirjamlik va ibrat bilan umr kechiraylik!