Baxt qoʻshigʻi

Ushbu kitobga mamlakatimizda taniqli ijodkor, marhum shoira Ra’no Uzoqovaning she’riy va nasriy asarlari jamlangan. Ularda shoiraning baxt va baxtsizlik, shodlik va uqubat, hayot va o‘lim haqidagi jarangdor badiiy umumlashmalari o‘rin olgan. Kitobxon shoiraning baxtsizlikka muhabbatidan tug‘ilgan she’rlarini o‘qish orqali hayotiy xulosa chiqaradi. Muhabbatning turfa yo‘sinlardagi ko‘rinishlari, baxtsizlikning asl sabablarini anglab yetishga intiladi. Uning “O‘n sakkiz yoshing” dostoni o‘quvchini turfa o‘ylarga, xayollar og‘ushiga yetaklaydi. Ushbu “Baxt qo‘shig‘i” kitobiga kiritilgan she’r, doston va hikoyalari uning yong‘inqalb, jo‘shqinligi bilan e’tiborlidir.