Bir asrlik omonat

Halol, vijdonli, iymonli oila boshligʻi vahshiylarcha oʻldirib ketiladi. Oʻsha kuni maktab direktori boʻlib ishlaydigan oʻgʻli ham bedarak yoʻqoladi... Bunday mudhish jinoyat sodir etilishiga nima sabab boʻldi? Boylikmi yoki qasos olishmi? Axir bu oila namunali, shu bilan birga umr boʻyi quruq maoshga kun koʻrib kelgan, uyida hatto yengil mashinasi ham boʻlmagan xonadonlardan biri edi-ku! Bu asarda ham tergov guruhi boshligʻi Sanjarbek jinoyatni fosh qilishda oʻz kasbiy mahoratini, tergovchiga xos boʻlgan ziyraklik, aqlu zakovatini namoyon etadi. Asar voqealari asrimizning birinchi oʻn yilligi oʻrtalarida boʻlib oʻtadi. Yozuvchi ushbu asarida qabih jinoyatning sabab va oqibatlarini tasvirlash bilan birga, oʻsha davrdagi paxtayakkahokimligining inson salomatligiga salbiy taʼsiri, tibbiyot va taʼlim tizimidagi adolatsizliklar, sud tizimining nohaqliklarini ham hayotiy misollar asosida yoritadi.