Bir ona qismati

O'zbek she'riyati va nasrining ko'zga ko'ringan namoyandalaridan biri – Mirmuhsin Mirsaidov o'z asarlarida xalqimizning mehnatsevarlik, vatanparvarlik va ma'naviy butunlik kabi fazilatlarini ulug'lagan. "Dorbozlar" (1956), "Jamila", "Hikoyalar", "Qizil durralar", "Sozanda" kabi nasriy asarlari kitobxonlarning katta e'tirofiga sazovor bo'lgan. Keyinchalik birin-ketin yaratilgan "Oq marmar", "Cho'ri", "Tungi chaqmoqlar" kabi qissalari adabiyot arab dunyosiga bag'ishlangan turkum hikoya va qissalari adibning nasrda katta iste'dodga ega ekanligidan darak beradi. Adib romannavis sifatida ham serbaraka ijod qilgan: tarixiy mavzudagi "Me'mor", "Temur Malik" ("Xo'jand qal'asi"), "Turon malikasi" romanlari; zamonaviy mavzudagi: "Umid", "Chiniqish", "Degrez o'g'li", "Chotqol yo'lbarsi", "Ildizlar va yaproqlar", "Ilon o'chi" singari romanlari yuksak e'tiroflarga sazovor bo'lgan. Adib qo'lingizdagi ushbu kitobida – "Bir onaning qismati" hikoya va qissalarida dunyoning bir qancha o'lkalaridagi odamlar hayotidan, shuningdek, xalqimizning maishiy va o'tmish hayotidan hikoya qiladi. Bu kitobdagi hikoyalarni o'qir ekansiz, mo'tabar zot – Onaning qanchalar ulug' zot, Vatanning qanchalar muqaddas ekanligini, shuningdek, do'stlik, mehr-muhabbat, insoniylik, yaxshilik kabi insoniy fazilatlarning ulug' ekanligiga guvoh bo'lasiz.