Boburnoma

Boburning hozirgacha ilm xazinasiga kelib qoʻshilgan asarlari — uncha toʻliq boʻlmagan bir devoni, islom dini asoslarini bayon etuvchi «Mubayyin» nomli sheʼriy risolasi, «Volidiya» atalgan tasavvufga oid bir kitobchaning nazm bilan tarjimasi, Bobur ixtiro etgan va «Xatti Boburiy» nomi bilan mashhur boʻlgan alfavit jadvali hamda «Boburnoma» asaridir. Asarning asli nomi «Boburiya» boʻlsa-da, uni «Voqeanoma», «Tuzuki Boburiy», «Voqeoti Boburiy» deb atadilar, keyinchalik asar «Boburnoma» degan nom bilan mashhur boʻlgan. Bu asar mazmunining rang-barangligi, maʼlumotlar qamrovi, uslubining goʻzalligi bilan XVIII, ayniqsa, XIX asr sharqshunos olimlarining diqqatini oʻziga tortgan.