Buzrukning kuzi

“Buzrukning kuzi” - “sehrli realizm” adabiy oqimining asoschilaridan hisoblangan Gabriel Garsia Markes qalamiga mansub, abadiy boshqaruvchi hayoti haqidagi roman-epopeyadir. Muallif uni “Yolgʻiz qudrat haqidagi ballada”, deya taʼriflaydi. Asar fantaziya va reallik omuxtaligida butun boshli qitʼaning hayoti va muammolarini oʻzida aks ettirgan. U jahon adabiyotining gumanizm hamda antigumanizm haqidagi beqiyos yodgorligidir. Soʻnggi kunlarini, yaʼni umrining kuzini yashayotgan asar bosh qahramoni – Koinot Generalining hayot sahifalarini yozuvchi yaqqol tasvirlaydi. General – inson tabiatining eng yaxshi va eng yomon jihatlarini oʻzida mujassam etgan umumlashma obrazdir. Karib dengizi zolimlari va hokimiyatning buzilishi tavsiflariga toʻla roman sizni bir vaqtning oʻzida ham xayoliy, ham haqiqiy dunyoga yetaklaydi.