Choliqushi

Turk adabiyotining XIX asr ikkinchi yarmi va XX asr birinchi yarmidagi davrini oltin davr deb atash mumkin. Bu davr adabiyotida katta sifat oʻzgarishlari roʻy berdi. Soʻz ustalari oʻz asarlarida, birinchi navbatda, oddiy xalq hayotini, mamlakat oldida turgan muhim muammolarni aks ettira boshladilar. Ana shunday yozuvchilarning yetakchi vakillaridan biri, ilgʻor fikrli turk ijodkorlarining maʼnaviy izdoshi Rashod Nuri Guntekindir. Yozuvchi, dramaturg, tarjimon, adabiyot-shunos Rashod Nuri Guntekin 24 ta roman, 7 ta hikoyalar toʻplami va qator pyesalar muallifi. Yozuvchining 1922-yilda yozilgan mashhur “Choliqushi” romanida turk qishloqlarining yorqin manzarasi chizilgan, asar qahramonlari hayoti, sarguzashtlari tasvirlangan.