CHOʻLPON

Nuroniylarimiz duoga qoʻl ochib, oʻt va suv balosidan, shu bilan bir qatorda tuhmat balosidan asrashini soʻrashi bejiz emas. «Choʻlpon» romani qahramonlarining boshiga tushganlari- dan voqif boʻlar ekansiz, bu tilak nechogʻlik muhimligini ang- laysiz. Boshiga jamiki balolar yogʻdirilgan millat maʼrifat- parvarlari taqdiriga achinasiz. Kitobning ayrim satrlarini boʻgʻzingizda alam, koʻzingizda yosh bilan mutolaa qilasiz. Hatto ularning notoʻgʻri qarorlarini ham tushunishga harakat qilasiz. Qoʻlingizdagi mazkur «Choʻlpon» romanining ikkinchi kitobi siz, aziz oʻquvchilarni tariximizning eng mazlum sahifalari bilan tanishtiradi. Asar mutolaasi Vatan ozodligi ulugʻ neʼ- matligini yana bir bor anglashga undaydi, uning yoʻlida ne-ne jasur va mard oʻgʻlonlar oʻz jonini nisor qilgani mutaassir qi- ladi va yurtni eʼzozlashga naqadar burchli ekanimizni yana bir bor eslatadi.