Daho

Kelib chiqishi arman millatiga mansub taniqli amerikalik yozuvchi Uilyam Saroyan (1908 — 1981) bir yarim mingdan ortiq hikoyalar, oʻn ikki pyesa, oʻnga yaqin romanlar muallifi. Uning qisman avtobiografik hisoblangan «Insoniy komediya» (1942) qissasi eng yaxshi asarlar qatorida tilga olinadi. «Vesli Jeksonning koʻrgan-kechirganlari» (1946), «Seni sevaman, ona» (1956) romanlari ham kitobxonlar orasida mashhur. Yozuvchi nasrning turli janrlariga murojaat qilgan boʻlsa-da, oʻtkir hikoyanavis sifatida dunyoga tanildi. Hikoyalarining tili achchiq, uslubi quruq, qisqa, biroq hayotga oʻziga xos rakursdan qaraydi. Uning qahramonlari sodda odamlar, oddiy mehnatkash, zamonasining baxtiqaro farzandlari, biroq adib ular haqida iliq, hamdard va umid bilan yozgani boisidan kishi koʻngliga yaqin. Uilyam Saroyan hikoyalari ilk bor oʻzbek tilida chop etilmoqda.