Dunyo bolalari

Aziz kitobxon doʻstim! Siz bugunning baxtli farzandi, baxtiyor avlodisiz! Orzularingiz yoʻlida qanchalik muammo va toʻsiqlar boʻlmasin, ulardan mardona hatlab oʻtmogʻingiz uchun shunchalik koʻp umid, shunchalik koʻp imkoniyat va sizga bildirilgan ishonch bor. Butun dunyo bolalari, ya’ni tengdoshlaringiz hayoti sizni hech qiziqtirganmi? Ular bilan imkoniyatlaringiz qay darajada bir-biriga yaqin? Orzularingiz-chi? Asqad Muxtor «Dunyo bolalari» nomi bilan mazkur kitobga jamlagan hikoyalar, ishonch bilan aytamizki, sizning dunyoga, umuman, hayotga boʻlgan munosabatingizni oʻzgartirib yuboradi. Qahramonlarning ayanchli taqdirlari, yaxshi yashashga boʻlgan umidi, shu murgʻak yoshida ham gardaniga olgan ulkan masʼuliyat hissi ularga nisbatan mehringiz va muhabbatingizni oshiradi.