GARRI POTTER VA AFSONAVIY TOSH

HURMATLI KITOBXONLAR! «Garri Potter» romanlar turkumi ona tilimizga tarjima qilishdan maqsad, sehr-jodu yoki afsungarlikni targʻib qilish emas, aksincha yoshlarning yaxshilikka, adolatga, haqiqatga, mehr-muhabbatga boʻlgan ishonchini yanada mustahkamlashdir. Yuqorida taʼkidlaganimdek, ona tilimizda bitilgan bolalar adabiyotini boyitish ishlariga qoʻldan kelgancha hissa qoʻshish maqsadida jahon adabiyotining durdonalari sanaladigan ayrim asarlarni oʻzbek tiliga tarjima qilib borishga ahd qildim va ishni Buyuk Britaniyalik bolalar yozuvchisi Joanna Ketlin Rouling qalamiga mansub yetti qismli «Garri Potter» asaridan boshladim. Ushbu asar juda mashhur boʻlib, koʻplab jahon tillariga tarjima qilinganidan xabaringiz bor, albatta. Shunday ekan, yoshlarimizning oʻz zamondoshlaridan ortda qolishiga yoʻl qoʻyib boʻlmasligi haqida oʻylab, Mariya Viktorovna Spivak tomonidan rus tiliga tarjima qilingan «Garri Potter» romanlar turkumini davlat tilimizga, oʻzbek tiliga oʻgirdim. Asar ustida ishlar ekanman, jonajon oʻzbek tilimizning cheksiz boyligidan samarali foydalanish, kitobxonning goʻzal tilimizga boʻlgan hurmat va muhabbatini ziyrak-quvvatlashga urindim. Asarni oʻqigan yosh kitobxon murakkab hayotning koʻplab jihatlari: yaxshi-yomonliklari, oq-u qorasi, yovuzlik bilan ezgulik oʻrtasidagi mangu kurashdan oz boʻlsa-da voqif boʻlishi, qiziqarli maʼlumotlar bilan tanishib, bilimi oshishiga shubha yoʻq. Marhamat, oʻqing va zavqlaning! Tarjimon - podpolkovnik Dolimov Shokir Zokirovich