GULNOR PARI

AZIZ KITOBXONLAR! Qoʻlingizdagi ushbu kitob, yaʼni “Gulnor pari” dostoni oʻzbek xalq ogʻzaki ijodiga mansub boʻlib ming yillar davomida xalqimiz baxshilari tomonidan kuylanib, xalqimiz tomonidan sevib tinglangan. “Gulnor pari” dostonining ushbu nusxasi xalqimizning mashhur baxshisi Muhammad Jomurot oʻgʻli Poʻlkan Shoir (1868-1937) tomonidan kuylangan. Nashrga tayyorlash ishlari esa Muhammadnodir SAIDOV va Zubayda HUSAINOVA tomonidan amalga oshirilgan. “Gulnor pari” dostonida oʻzbek xalqining azal-azaldan imon-eʼtiqod, or-nomus va yurt birligi yoʻlida oʻzini ayamasligi yorqin aks ettirilgan. Siz dostonni oʻqish davomida Goʻroʻgʻlining Hindistonga Gulnor parini olib kelish uchun yoʻlga chiqishi, Safar davomida Afgʻonistonda mehmon boʻlishi, Hind shohi Toy hindi bilan jang qilishi, Himm vaziri Shirmanning Goʻroʻgʻliga doʻst boʻlishi, ikki tomon bahodirlarining yakka-yakka kurashi, Goʻroʻgʻliga yordamda Hasan Chopson va Samandar devlarning kelishi, Goʻroʻgʻlining Hindistondan Gulnor parini olib qaytishi, Chambilga bostirib kelgan Bektosh, Rayhon arablarining sarguzashtlariga, Goʻroʻgʻlining Chambilni dushmanlardan ozod qilishi kabi taassurotlarga boy voqealarga guvoh boʻlasiz. Shuningdek, siz ushbu dostonni oʻqish davomida xalqimizning bir qancha tarixiy etnografik urf-odatlari, dehqonchilik, chorvachilik, safar, baxshilik va saʼxiylik, iymon va eʼtiqodning muqaddasligi haqida maʼlumotlarga ega boʻlasiz. Dostonning ushbu nashriga hozirgi davr kitobxonlarining talab va iltimostlariga asosan ga shincha iqtibotlar kiritildi va asar, imkoni boricha, hozirgi oʻzbek adabiy tili qoidalari asosida qayta tahrirlandi.