Hayrat ul-abror

Qo‘lingizdagi kitob Alisher Navoiyning “Hayrat ul-abror” dostonining muxtasar sharhi, matn, nasriy bayon va lug‘atini o‘z ichiga oladi. Kitobda zamonaviy germenevtik va fenomenologik tadqiqot metodlari bilan bir qatorda mumtoz adabiyotimizda mavjud bo‘lgan sharh ilmi an’analariga suyanilgan. “Hayrat ul-abror” dostoni uchun yoziladigan sharh uch kitobdan iborat va qo‘lingizdagi ikkinchi kitob asarning dastlabki o‘n maqolotini o‘z ichiga olgan bo‘lib, filologiya yo‘nalishi mutaxassislari, talabalar va keng kitobxonlar ommasi uchun mo‘ljallangan. Nasriy bayonni tayyorlashda bevosita ishtirok etgan va qimmatli maslahatlarini ayamagan shoir, ustoz ijodkor Abdulhamid PARDAYEVga samimiy minnatdorchiligimizni izhor etamiz.