HOBBIT YOXUD BORIB QAYTISH

HURMATLI KITOBXONLAR! Britaniyalik adib Djon Ronald Ruel Tolkin (1892-1973) qalamiga mansub «Hobbit yoxud borib qaytish» romanini turkumi ona tilimizga tarjima qilishdan maqsad, sehr-jodu yoki afsungarlikni targʻib qilish emas, aksincha yoshlarning yaxshilikka, adolatga, haqiqatga, mehr-muhabbatga boʻlgan ishonchini yanada mustahkamlash, kindik qoni toʻkilgan yurt – VATANga boʻlgan muhabbatini yanada yuksaltirishdir. Agar ushbu asarni boshidan oxirigacha oʻqisangiz, unda ona yurt mustaqilligi uchun kurash, uni bosqinchilardan ozod qilish qancha mushkul va murakkab vazifa ekanligini anglaysiz. Bu asarda qatnashgan har bir obrazda maʼlum bir ramziy maʼno yotadi. Ayrimlari bosqinchi (Ajdar), ayrimlari ozodlik kurashchilari Emanqalgan Torin va ning safdoshlari, ayrimlari maʼrifatparvar va oqil (Gendalf), ayrimlari esa xalqparvardi (Bard). Asosiy qahramon Beggins esa vijdonli, tangri jasur obraz sifatida tasvirlangan. Asar ustida ishlar ekanman, jonajon oʻzbek tilimizning cheksiz boyligidan samarali foydalanish, kitobxonning goʻzal tilimizga boʻlgan hurmati va muhabbatini qoʻllab-quvvatlashga urindim. Asarni oʻqigan yosh kitobxon murakkab hayotning koʻplab jihatlari, yaxshi-yomonliklari, oq-u qorasi, yovuzlik bilan ezgulik oʻrtasidagi mangu kurashdan oz boʻlsa-da voqif boʻlishi, qiziqarli maʼlumotlar bilan tanishib, bilimini oshishiga shubha yoʻq. Marhamat, oʻqing va zavqlaning! Tarjimon – podpolkovnik Dolimov Shokir Zokirovich