JAHON ADABIYOTI: MODERNIZM va POSTMODERNIZM

Kitob ikki boʻlimdan iborat. Birinchi — asosiy boʻlimda «Modernizm», «Modernizm va oʻzbek adabiyoti», «Postmodernizm» hamda «Hozirgi zamon jahon adabiyoti muammolari» kabi tadqiqotlar, ikkinchi — ilova qismida mavzuga aloqador suhbatlar, maqolalar oʻrin olgan. Yangilanayotgan badiiy tafakkurning mahsuli sifatida jahon va oʻzbek adabiyotida oʻzini yetarlicha namoyon etib kelayotgan yangi adabiy oqimlar — modernizm, postmodernizm hamda ularning oʻziga xos muammolarini yoritishga bagʻishlangan, yurtimizda ilk marotaba nashr yuzini koʻrayotgan mazkur oʻquv qoʻllanma ijtimoiy-gumanitar sohalarda, jumladan, yangi tarjima nazariyasi va amaliyoti, oʻzbek filologiyasi, oʻzbek tili va adabiyotini oʻqitish kabi qator taʼlim yoʻnalishlarida tahsil olayotgan talaba-yoshlar, oʻqituvchi-mutaxassislar uchun zarur manba boʻlib xizmat qiladi.