Kimning tashvishi yoʻq

Kishining boshiga tashvish tushishi uni esankiratib qoʻyadi. Agar omad ketib, ular qoʻsha-qoʻsha boʻlib kelsa, dunyo qorongʻi koʻrina boshlaydi. Oxiri koʻrinmas muammolar metin iroda sohiblarini ham tom maʼnoda „sindirib“ qoʻyadi. Biroq umri payoniga yetib qolgan keksalar uchun ana shu tashvish ham oʻzgacha mazmunga ega boʻladi. Oʻsha kutilmagan tashvish ham juda shirin boʻladi. Darhaqiqat, hech bir ish qilmasdan zerikib yashashdan koʻra, kishining har tong oʻrnidan turishiga sabab boʻla oladigan tashvishi boʻlgani yaxshi. Asarni oʻqir ekansiz, tashvish borasidagi oʻy-fikrlaringiz oʻzgarayotganini his etasiz.