MASHRAB

Ushbu risolada XVII – XVIII asrlarda yashab ijod etgan oʻzbek mumtoz adabiyotining yirik namoyandalaridan biri, ilohiy ishq kuychisi Boborahim Mashrabning hayot va ijod yoʻli muxtasar yoritilgan. Shoirning oʻtkir maʼnoli, chuqur falsafiy, latif, qaynoq dardli, mayin va shoʻx ohanglarga boy sheʼrlari qariyib toʻrt asrdan buyon ilohiy ishq muhiblarini oʻziga shaydo qilib kelmoqda. Risolada Mashrabning ana shunday asarlari tahlil etilib, u haqidagi ziddiyatli fikrlar, tortishuvlarga ham oydinlik kiritilib, bu qarashlarining asl mohiyati ochib berilgan. Risola Mashrab ijodi bilan qiziquvchi keng kitobxonlar ommasiga moʻljallangan.