MOHIR TARJIMON

O‘zbek adabiyoti va tarjima san’atining fidoyisi, mohir tarjimon, tashkilotchi, o‘z vaqtida Toshkent davlat universitetida o‘qituvchi, G‘afur G‘ulom nomidagi Adabiyot va san’at nashriyotida muharrir vazifalarida faoliyat yuritgan Hasan To‘rabekovni barcha kitobsevarlar yaxshi bilishadi, uning xizmatlarini hamma e’tirof etishadi. Ayniqsa, uning jahon adabiyoti mezonlarida asarlariga o‘zbek o‘quvchilarini oshno etgani tahsinga sazovordir. Har bir insonning hayotlik chog‘ida amalga oshirgan xayrli ishlari, bilamizki, uning zamondoshlari xotiralarida o‘z aksini topadi. Shu ma’noda, qo‘lingizdagi ushbu kitob Hasan To‘rabekovning ijodi va faoliyatini yanada teranroq idrok etishingizda bir manba bo‘lib xizmat qiladi, degan umiddamiz.