MUNGLI KOʻZLAR

Ota-onaga farzandining baxtidan boʻlak neʼmat kerak emas. Xuddi shuningdek, farzand ham eng baxtiyor damlarida ota-ona yonida boʻlgisi, baxtini ular bilan baham koʻrgisi keladi. Ota-ona diydori, ota-ona mehrini ular har narsadan aziz biladilar. Qimmatli kitobxon! Sevimli yozuvchimiz Xudoyberdi Toʻxtaboyevning siz, aziz kitobsevar doʻstlarimiz uchun taqdim etilayotgan mazkur kitobida ana shu mavzu qalamga olingan. Asarning yozilganiga oradan ancha fursat oʻtgan boʻlishiga qaramay, u badiiy qimmatini hamon yoʻqotmagan, aksincha, har bir kitobxon ushbu asarni har gal qoʻliga oʻzgacha mehr va iztirob bilan oladi. Mol-dunyoni har narsadan ustun bilgan va oxir-oqibatda guldek farzandlarining achchiq qismatiga sabab boʻlgan ota-ona haqida hikoya qiluvchi mazkur asar umid qilamizki, yana bir karra oʻzining yangi oʻquvchilarini kashf etadi.