Oilada farzand tarbiyasi

Mustaqillik yillarida mamlakatimizda ona va bola salomatligi masalalariga muhtaram Yurtboshimiz rahbarliklarida alohida e'tibor qaratilipti. Sog'lom bola yili davlat dasturi doirasida amalga oshirilayotgan xayrli ishlar ham fikrimizning yaqqol isbotidir. Bu vazifa davlatimiz ichki siyosatining bosh yo'nalishlaridan biriga aylandi. Vatanimizning porloq kelajagini har jihatdan sog'lom va barkamol avlod ta'min etadi. Farzandlarni ertangi kunning munosib egalari hamda vorislari qilib voyaga yetkazish ota-onalarning orzusi, mas'uliyati, burchidir. O'zbekiston musulmonlari idorasi raisi, muftiy Usmonxon Alimovning o'tgan yillari chop qilingan “Oilada farzand tarbiyasi” risolalari jamlanmasi bo'lgan ushbu kitob o'g'il-qizlarimizni yuksak ma'naviyat, go'zal fazilatlar egasi qilib tarbiyalashda ota-onalar va ustoz-murabbiylarga ishonchli qo'llanma bo'ladi.