O‘lik jonlar

Ushbu kitobga Nikolay Vasilyevich Gogolning «O‘lik jonlar» nasriy poemasi va besh sahnadan iborat «Revizor» komediyasi kiritildi. «O‘lik jonlar» – yozuvchining suyumli asari. Gogolning o‘zi bir do‘stiga yozgan maktubida «Agar bu asarni ko‘ngildagidek yozib tamomlasam, u vaqtda... naqadar zo‘r, naqadar original bir syujetni ko‘rasiz. Naqadar rang-barang bir to‘dani ko‘rasiz! Unda butun Rusiya namoyon bo‘ladi» deydi. Asar qahramoni Chichikov yomon odam emas. U zamona zayli bilan shunday xarakterdagi odamga aylanganki, uddaburonlik bilan mol-dunyo to‘plamoqchi, orzusidagidek serhasham uylanib, hashamatli bir uyda farzandlari bilan tinch-xotirjam yashamoqni – bor-yo‘q orzusi shu. Biroq so‘ngir ishning qiyinga chiqishi va Chichikov nihoyat bundan o‘ziga xulosa qiladi. Gogolning ayrim asarlarida rus dvoryanlari, pomeshchiklar hayotiga achchiq istehzo bilan nazar solish bo‘rtib turadi. U eng qiyin vaziyatlarda ham tanganing boshqa tarafini ko‘ra biladi, kulgi va ehtiros, muhabbat bilan rus xarakterini ochib tashlaydi. Shunday asarlaridan biri «Revizor» pyesasidir.