ONLAYN JURNALISTIKA VA MEDIADA YANGI TRENDLAR

Ushbu kitobda Internet jurnalistika va media sohasidagi yangi trendlar borasidagi maʼlumotlar jamlangan. U uch boʻlim: Internet, Onlayn jurnalistika va Media sohasiga axborot texnologiyalarining kirib kelishi bilan bogʻliq yangi media trendlardan iborat. Dastlab Internetning tarixi, uning yangi kommunikatsion maydon sifatidagi funksiyalari, xalqaro miqyosda tarmoqni tartibga solish va axborot xavfsizligi kabi masalalar koʻrib chiqilsa, mavzuning davomida mediaekologiya va Internetda axborot almashinuvining oʻziga xosligi borasida soʻz yuritiladi. Onlayn jurnalistika qismida raqamli media tushunchasi, uning funksional xususiyatlari, auditoriyasi, yangiliklarni uzatish usullari, onlayn OAV tahririyatining ijodiy jarayonlari va Internet jurnalistigi funksiyalari, uning mahorat mezonlari borasida toʻxtalgan. Yangi trendlar borasida gap ketganda multimediyaviylik, onlayn nashrlarda tobora ommalashib borayotgan longrid va storizm, multimediyaviy storitelling, maʼlumotlar vizualizatsiyasi va infografika koʻrinishlari, mobil qurilmalar orqali axborot uzatish borasida xorij va oʻzbek olimlarining tajribalari jamlangan. Kitob keng omma uchun moʻljallangan boʻlib, jurnalistika va media sohasida taʼlim olayotgan, amaliyotda ishlayotgan mutaxassislar, tadqiqotchi hamda olimlar uchun oʻquv, uslubiy va ilmiy manba boʻlib xizmat qiladi.