OQIBAT DARAXTI

O‘zbek adabiyotida o‘zining betakror uslubi, teran hayotiy xu-losalari, insoniy tamoyillari bilan ijod qilib, milliy adabiyotimiz xazinasini boyitayotgan bir qator adiblarimizning qalamlariga man-sub hikoyalarni o‘zida mujassam etgan ushbu kitob keng o‘quvchilar ommasiga mo‘ljallangan. Har bir hikoya matniga singdirilgan milliy kolorit, o‘zbek xalqiga xos fazilat va sifatlar, ona tilimizning ohang va ranglari jilosi o‘quvchilarni aslo befarq qoldirmaydi. Mualliflar-ning so`z qo`llashdagi mahorati va zakiyligi bilan birga har bir asarning ma`naviy, g‘oyaviy yuki, mazmun-mohiyati ham ushbu kitobning ma`rifiy va tarbiyaviy ahamiyatini oshiradi. Bayon etila-yotgan voqea-hodisalarning kechishi asnosida siz bani bashar uchun birdek ulug‘ muallim — HAYOT darsini ham asta-sekin o‘zlashtirib borasiz.