OSHIQ BUXORIY QISSALARI

«Oshiq Buxoriy qissalari» Buxoroi sharif uzoq va yaqin tarixi haqidagi uch qissadan iborat turkum. Birinchi qissa – «Buxoro malikasi»da arablarning Buxoroga hujumi va Buxoro malikasi Kabekning ularga qarshi mardonavor kurashi, bu yoʻlda chekkan alam-iztiroblari tasvirlanadi. Ikkinchi qissa – «Ibtido va intiho» Somoniylar davlatining vujudga kelishi, gullab-yashnashi va inqiroziga bagʻishlangan. Uchinchi qissa «Qizil quYuN» deb ataladi. Bu asarda bolsheviklarning Buxoroni istilo etishi va xalqimizning milliy ozodlik kurashi tasvirlangan. Ushbu kitobdan joy olgan toʻrtinchi qissa – «Boyqoʻndir lolalari» deb nomlangan. Bu qissada oʻtgan asrning yetmishinchi yillarida Boyqoʻngʻirda xizmat qilgan oʻzbek yigitlarining hayoti, sarguzashtlari tasvirlanadi. Shuningdek, ushbu toʻplamdan «Sevish huquqi» hikoyasi va «Sahrodagi yolgʻiz daraxt» essesi ham oʻrin olgan. Toʻplam keng kitobxonlar ommasiga moʻljallangan.