O'tkan kunlar

Sevgi kimlarni yigʻlatib, kimlarni kuydirmagan, deysiz. Sharq adabiyoti durdonalaridan hisoblanmish mazkur asarda muhabbat oʻzgacha badiiy talqin qilinadi. Shuningdek, vatanparvarlik, olijanoblik, vafo va xiyonat, havas va hasad, zamon talotoʻplari tilga olinadi. Ham tarixiy, ham adabiy chizgilar, shoirona goʻzal soʻzlar, betakror tasviriy ifodalar, asar qahramonlari tilidan aytilgan va bugungi kun yoshlarining tilida ham sevimli iboralarga aylanib qolgan otashin soʻzlar... shubhasiz, asarni oʻqimaslikning, qayta-qayta mutolaa qilmaslikning iloji yoʻq. Abdulla Qodiriyning «oʻzbek romanchiligi asoschisi» sifatida tan olinishiga sabab boʻlgan ushbu asar voqealari tariximizning bir koʻrinishi, muallif ta’kidlaganidek, oʻzbeklar turmushidan tarixiy romandir.