Ovchi va ilon

Ertak qaysi xalqniki boʻlishidan qatʼi nazar, asar yakunida kitobxon orziqib kutgan adolat gʻalaba qozonadi. Asar qahramonlari oʻz murod-maqsadlariga yetadilar va baxtiyor hayot kechira boshlaydilar. Shu sababli ham ertak qahramonlari bolalar qalbidan chuqur joy oladi. Ularda oʻz ona-Vataniga muhabbat, doʻstlikka sadoqat, ezgulikka intilish, adolat uchun kurashish tuygʻularini kuchaytiradi. Ushbu kitobdan oʻrin olgan, Sizga maʼlum va mashhur rus ertagi «Ayoz bobo»dan tortib, udmurd xalq ertagi «Ovchi va ilon», osetin xalq ertagi «Boy, faqir va ayol», avar xalq ertagi «Qora tulki» va boshqa ertaklarda ham yagona gʻoya – haqiqat, olijanoblik, ezgulik ulugʻlanadi, ochkoʻzlik, yolgʻonchilik qoralanadi. Ushbu ertaklar sizga ham manzur boʻlishiga ishonamiz.