O‘ZBEK XALQINING KELIB CHIQISH TARIXI

Ushbu monografik tadqiqotda o‘zbek xalqining kelib chiqishi, ya’ni uning uzoq davom etgan etnogenez va etnik tarixi haqida, uning urug‘-qabila holatidan asta-sekin elat-xalq bo‘lib shakllanib borish jarayoni va shakllangan xalq sifatida millat darajasiga yetishish bosqichlari boy moddiy madaniyat va yozma manbalarning ilmiy tahlili asosida bayon etilgan. Monografiyada o‘zbek xalqi hozirda yashab kelayotgan tarixiy ona zamin bilan hamda uning tevarak-atrof hududlari bilan juda qadim zamonlardan bevosita bog‘liq tub yerli xalq ekanligi, ya’ni uning etnik tarkibini asosan yerli sug‘diy, xorazmiy, boxtariy, sak, prototurk va turkiy ajdodlarimiz tashkil etganligi, ana shu ikki xil silsilaning uzoq asrlar davomida bir-birlari bilan aralashib-qorishib yashashi natijasida yangi etnos, ya’ni o‘zbek xalqi tarkib topganligi haqida ilmiy xolislik va obyektiv tarixiy tizimlilik asosida batafsil ma’lumot berilgan.