OʻZBEKISTON IQTISODIYOTI

Darslikda talabalar, mutaxassislar, umuman, milliy iqtisodiyot ilmi bilan qiziquvchilar uchun «Oʻzbek model»ining mohiyati, iqtisodiyotdagi asosiy proporsiyalar, mulk munosabatlari, raqobat va monopoliya, davlat va xususiy sektor hamkorligi, kichik biznes va xususiy tadbirkorlik, korporatsiyalar, iqtisodiyotning ijtimoiy yoʻnaltirilganligi, aholi turmush darajasi va sifati, mamlakatimiz iqtisodiyotining tarmoq va hududiy tarkibi hamda rivojlanishi masalalari yoritilgan. Unda Oʻzbekistonning mehnat, tabiiy, ishlab chiqarish, ilmiy-texnika va innovatsiya resurslari, sanoat, qishloq xoʻjaligi, qurilish, investitsiya, eksport salohiyati, xizmat koʻrsatish, moliya va kredit, bank sohalarini, ulardagi mavjud muammolarni, milliy davlatning iqtisodiy rolini, bozor islohotlari sharoitida institutsional oʻzgarishlarni yoritishga alohida eʼtibor qaratilgan. Har bir mavzuni yoritishda nazariy bilimlar va jahon tajribasini Oʻzbekiston iqtisodiyoti amaliyoti bilan bogʻlashga, uning mazmuniga milliy iqtisodiyot gʻoyasini singdirishga harakat qilingan.