O‘ZBEKISTON «NYUSMEYKER» DAVLATLAR SAFIDA

Ushbu kitob O‘zbekiston Respublikasi Prezidenti Shavkat Mirziyoyevning Amerika Qo‘shma Shtatlariga Prezidenti Donald Trampning taklifiga binoan 2018-yil 15-17-may kunlari ushbu mamlakatga amalga oshirgan birinchi rasmiy tashrifi tafsilotlariga bag‘ishlangan. Unda tashrif doirasidagi uchrashuvlar, muloqotlar va muzokaralar jarayonlari rasmiy manbalar, milliy va xalqaro ommaviy axborot vositalari ma’lumotlari bilan bir qatorda, mazkur tashrifda bevosita ishtirok etgan muallifning shaxsiy qaydlari hamda taassurotlari negizida muxtasar tahlil etilgan. «Nyusmeyker» (inglizcha: newsmaker) — ushbu atama aslida jurnalistika sohasiga oid bo‘lib, «yangiliklar yaratish salohiyatiga» ega degan lug‘aviy ma’noni anglatadi. Bu so‘zdan siyosiy doiralarda, odatda, muhim yangiliklar manbai hisoblanuvchi va katta ta’sir kuchiga ega nufuzli shaxs, OAVda eng ko‘p tilga olinadigan voqea yoki tashkilotchi ifodalash uchun foydalaniladi. Qo‘lingizdagi kitobda ushbu atama keng ma’noda, ya’ni shiddatli yangilanishlar boshida turgan — tub islohotlar timsolida yangiliklar yaratishga salohiyatli va qodir ekanini dunyoga ochiq namoyon etayotgan O‘zbekistonga nisbatan qo‘llanilgan. Keng kitobxonlar ommasiga mo‘ljallangan.