Ozodlik

“Petyofining bizning adabiyotimizga kirib kelishini favqulodda muhim hodisa deb hisoblayman. Butun jahon adabiyotida menga Petyofidan ham azizroq shoirni bilmayman. Petyofi mutlaqo klassik emas edi! U o‘z nomi bilan Petyofi edi: muhabbat, vatanparvarlik va ozodlikning otashin kuychisi edi... Petyofi venger adabiyotini jahon adabiyoti bilan biriktirgan oltin ko‘prikdir. Go‘zal va o‘tyurak venger millatining unutilmas ko‘ra buyukrok o‘g‘loni yo‘q. Petyofi tug‘ilgan kun har millatning eng baxtli kunidir. Agarda bu millat haqida hech nima bilmay turib, faqatgina Petyofining she’rlarini o‘qisak, bas, ana shunda venger xalqi qalbining eng nozik torlarini chertgan, his etgan bo‘lamiz. Petyofining she’rlarini sizga qanday taqdim etsam ekan?.. Hozircha faqat bir gapni aytishim mumkin: agar rubobiy she’riyat istasang – Petyofini o‘qi; agar vatan haqidagi ta’sirchan madhiyalardan zavqlanmoqchi bo‘lsang – Petyofini o‘qi; agarda ko‘ngling sho‘x qa’shiqar, ishqiy she’rlarni tusasa – yana Petyofini o‘qi.” – degan edi atoqli chex shoiri Yan Neruda. O‘zbek shoirlari va kitobxonlari ham Petyofini sevib mutolaa qilishgan va ona tilimizga o‘girishgan. Shoir tavalludining 200 yilligiga bagʻishlab uning asarlari nashr etilgan. Quyidagi toʻplam buyuk venger shoiri Shandor Petyofi tavalludining 200 yilligi munosabati bilan asosan yangi tarjimalardan tuzildi. Oʻzbekcha matn yonida ruscha matn ham berildi. Shuningdek, unga 1973-yilda ona tilimizda chop etilgan asarlar ham kiritildi.