Pahlavon Mahmud Puryorvaliy

Kitobni tayyorlashda O'zbekiston Respublikasi Fanlar akademiyasi Abu Rayhon Beruniy nomidagi Sharqshunoslik instituti fondida saqlanayotgan «Nafahot ul-uns», «Nasoyim ul-muhabbat», «Majolis ul-ushshoq», «Latoyif ut-tavoyif» singari tazkiralar qo'lyozmasi va ularning Eron, Turkiya va Hindistondagi nashri; «Riyoz uz-zokirin» tazkirasining ustoz Ahmadjon Yunusov shaxsiy kutubxonasidagi nusxasi, O'zR FASHI (Sharq qo'lyozmalar markazi) fondi, O'rta Osiyoni o'rganish Fransiya instituti kutubxonasi va O'zR FA fundamental kutubxonalarida saqlanayotgan «Safarnomai Xorazm» asari, Eron, Turkiya va Hindistonda chop etilgan lug'at va qomuslar, shuningdek, O'zR FASHI fondi hamda uning Hamid Sulaymon bo'limida «Ruboiyoti Pahlavon Mahmud» nomi bilan saqlanayotgan 11 ta qo'lyozma asosiy manba vazifasini o'tadi.