Privalov millionlari

Atoqli rus yozuvchisi va dramaturgi Dmitriy Narkisovich Mamin-Sibiryak (1852–1912), aytish mumkinki, oʻzining barcha asarlarini sayohatlar, kuzatuv-laru asosida yozdi. Zotan, u adabiyotga «Uraldan Moskvagacha» yoʻl ocherklari bilan kirib kelgan edi. Mamin-Sibiryakning qahramonlari oddiy xalq, oʻz kunini oʻzi koʻruvchi, sodda va jaydari insonlardir. Xususan, uning «Privalov millionlari» romanidagi, Maksim Gorkiy taʼbiri bilan aytganda, oʻzgacha turmush tarzi, yorqin xarakterlar va teran demokratizm rus xalqini tushunishga va yaxshi koʻrishga koʻmak beradi. Mazkur kitobdan joy olgan «Ural hikoyalari» turkumidagi «Doktor Osokinning sogʻayishi» hikoyasida esa muallif Ural va Sibirdagi islohotlar davrini, umumxalq ongi hamda inson huquqlari va axloq masalalarini oʻrtaga tashlaydi. Ushbu kitob keng kitobxonlar auditoriyasiga moʻljallangan.