Qapalak umriga qiyos lahzalar

Jozibali til, nozik did, ajoyib his sohibi ekan Bahodir! Qalam kishisi uchun juda-juda zarur boʻlgan bu dilbar sifatlarni qoʻlingizdagi kitobchaning har bir sahifasidan, hatto har satridan topa bilasiz. Adabiyot muxlislarining faxr va muhabbatlarini allaqachon qozonib olgan, talentli yoshlar jamoasiga oʻz ismi va jismi bilan yana bir Bahodirning qoʻshilishi behad quvonchlidir! - Koʻzlarimizning nurlari, bellarimizning quvvatlari! - deydilar yoshlarni keksalar. Bu toʻgʻri. Lekin adabiyotda bu toʻgʻri haqiqat yana bir ilovani istaydi. Keksa yozuvchilar deydilar: - Yosh qalamkashlar - bizning kelajagimiz, umid va gʻururimiz! Bahodir Abdullaev ana shu umidni oqlash kurashiga otlanibdi, men unga zafar, oq yoʻl tilayman! Mirzaqalon Ismoiliy 1966 yil, avgust.