QASHQIRLAR MAKONIDAN SOLIHLAR TOMON

Bu — oʻzgacha kitob. U — odamlar, taqdirlar, qilmishlar va kechmishlar haqida boshqacha yondashuvda bitilgan asar. Kitobda oddiy insonlar hayotidan tortib, jinoyat olami vakillari, zoʻravonlik, qalloblik, qimorbozlik bayon etiladi. Shuningdek, yoshlik shijoati, ishq-muhabbat tuygʻulari, doʻstlikka sadoqat tuygʻulari tarannum qilinadi. Kutilmagan voqealar, koʻz koʻrib, quloq eshitmagan hodisalar oʻquvchini qiziqtirib qoʻyishi shubhasiz. Bosh qahramonning his-hayajonli, xotirjamlik va tahlikaga limmo-lim hayoti bor boʻyi bilan namoyon boʻladi. Har kim oʻziga xos tarzda xulosa chiqarsa-da, asar xotimasi kitobxonlarni albatta, oʻylantirib qoʻyadi. Kitob muallifi — ziyoli oilaning farzandi Bobur Abdullohning ilk ijodiy armugʻoni — «Qashqirlar makonidan solihlar tomon» qissasi siz, azizlarga manzur boʻladi, degan umiddamiz.