Qiz bolaga tosh otmang

Ushbu kitobdan sevimli yozuvchimiz Xudoyberdi To‘xtaboyevning so‘nggi yillarda yozgan ikki romani oʻrin olgan. Undagi asar qahramonlari mustaqillik davrining farzandlari. Ular mustaqillik yaratib bergan imkoniyatlardan foydalanib, fermer xoʻjaligi tashkil etadilar. Jumladan, «Qiz talashgan oʻsmirlar» romanida ishbilarmon Yoʻldoshxonning «Qiz bolaga tosh otmang» teleromanida esa tadbirkor qiz Xurshidaning oʻz ishini yuritish, kengaytirish yoʻlidagi mashaqqatlari, iztiroblari, yutuqlari, quvonchlari yozuvchi tomonidan qiziqarli voqealar asosida yoritib berilgan. Asar qahramonlari muhabbat yoshida. Ular bu beg‘ubor tuyg‘uni baʼzan his etmaydilar, qadriga yetmaydilar... Keling, yaxshisi kitobni oʻqing, gap nima haqida ekanini bilib olasiz.