Qon oldirishda qortiq va zulukning ahamiyati

Olis tariximizdan maʼlumki, Sharq va Oʻrta Osiyo mutafakkirlari jahon ilm-fan taraqqiyotiga ulkan hissa qoʻshgan allomalardir. Jumladan, ular tabobat ilmini keng tadqiq va tatbiq etishda ham yetakchi oʻrinlarni ishgʻol qilishgan. Abu Bakr ar-Roziy, Abu Rayhon Beruniy, Abu Ali ibn Sino kabi buyuk bobokalonlarimiz oʻrta asr sharoitida inson salomatligi borasida oʻlmas asarlarni yaratishgan. Bugungi kunda ham oʻz qadr-qimmati va ahamiyati bilan insoniyatga xizmat qilayotgan bu ilmiy meroslar xalqimizning ardoqli faxridir. Inson salomatligini muhofaza etishda badandan qon olish chora-tadbirlari va uning manfaatlari har jihatdan ilmiy asoslab berilgan. Koʻlingizdagi risolada tabobat tarixiga tayangan holda qon olishda qortiq (tigʻ) va zulukni qoʻllash uslublari bayon etiladi. Ayni vaqtda, hozirgi davrimizda qadim uslublardan foydalanishining foydali natijalari tajribalari va koʻrsatmalari ham keng oʻrin olgan. Kitob xalq tabobati anʼanalarini ham oʻz ichiga olgan. Risola shifokorlar, tibbiyot talabalari va keng oʻquvchilar uchun foydali qoʻllanma boʻlishiga ishonamiz.