Qoʻrqmang, onajon

Mashhur gruzin adibi Nodar Dumbadze (1928 – 1984)ning ijodi oʻzining chaqir lirizmi, dramatizmi, hazil-mutoyibasi bilan boshqa yozuvchilar ijodidan farqlanib turadi. Adib asarlarida yaxshilik va yomonlik, haqiqatga intilish, sevgi-muhabbat motivlari sodda, tushunarli uslubda talqin etiladi. Dumbadzening koʻpgina asarlari (“Abadiyat qonuni”, “Oq bayroqlar”, “Men, buvim, Iliko va Illarion” romanlari, “Kukaracha” qissasi va bir qancha hikoyalari) oʻtgan asrning 80-yillaridan oʻzbek tiliga tarjima qilina boshlagan va kitobxonlar mehrini qozongan edi. Buning boisi – yozuvchi asarlari oʻzbek kitobxonlari ruhiyatiga yaqin. Odamlylik, vatanparvarlik, doʻstga sadoqat, milliylik, sevgi-muhabbat, kattalarga hurmat, kichiklarga izzat kabi fazilatlar bu asarlar tub mohiyatini belgilaydi. Shu bois adib qahramonlari oʻquvchiga tanish odamlarday tuyuladi. Bundan “Qoʻrqmang, onajon” romani ham mustasno emas. Mazkur asarda chegarachilar hayoti oʻddiy askar Avtandil (laqabli ham deb atashadi) misolida yorqin boʻyoqlarda tasvirlangan. Gruzin adibining asarlari koʻplab xorij xalqlari tillariga tarjima qilingan va ularning maʼnaviy mulkiga aylangan.