QUYONLAR SALTANATI

Bolalar adabiyotining zabardast adibi Xudoyberdi To'xtaboyevning ushbu qissasi oʻziga xos badiiy qimmatga sazovor asar, desak mubolagʻa qilmagan boʻlamiz. Ikki yosh oʻspirin yigitning orzulari, ularni tengdoshlaridan ajratib turadigan fazilatlari, qalamga olingan har bir voqea-hodisaning zamiridagi yaxshilikka, ezgulikka undash istagining mavjudligi, oʻylaymizki, bu gal ham kitobsevar muxlislarimizni quvontiradi. Shu bilan birga kitob qahramonlariga oʻxshash istagi ularning ham qalbida paydo boʻlsa, biz oʻzimizni maqsadimiz sari bir qadam oldinga tashlaganmiz, deb hisoblaymiz. Kitob mutolaasiga marhabo, yosh doʻstlar!