REBEKKA

Dengiz toʻlqinlari qirgʻoqqa urilib mavjlanayotgan goʻzal va soʻlim tabiat, yomgʻirli hamda bahavo manzil. Ushbu goʻshada joylashgan qadimlily va goʻzal Manderley qoʻrgʻoni... Asar mutolaasiga kirishar ekansiz, nafaqat soʻlim tabiat vasfiga qalbingiz oshufta boʻladi, balki ana shu maʼvoning huzurbaxsh iqlimi, farahbaxsh iforini his qilasiz. Mazkur maftunkor manzilda kechadigan sirli voqealar jarayoni esa kimdan qismga hayrat va qiziqishingizni orttira boradi. Bu taʼrifimiz hissiyotlar va tuygʻular tugʻyoniga sabab boʻluvchi «Rebekka» asari xususida. «Rebekka» – Dafna dyu Moryening 1938 yilda yozilgan romani. Psixologik triller janridagi asarda yosh qiz badavlat erkakka turmushga chiqadi va eri hamda oilasidagilar kabi oʻzini ham oʻlgan birinchi xotinining xotirasi taʼqib qilishini bilib qoladi. Hammaning xotirasida nihoyatda samimiy va juda goʻzal ayol sifatida muhrlangan Rebekka aslida kim edi? U bilan bogʻliq qanday sirlar bor? Ularning oshkor boʻlishi asar qahramonlari hayotiga qanday taʼsir koʻrsatadi? Demak, bu kabi savollarning barchasiga qizgʻin mutolaa jarayonida javob topasiz. Eslatib oʻtamiz: mazkur bestseller asar koʻp marotaba sahna va ekranaga moslashtirilgan. Ammo bilishingizni istardikki, hech qaysi sahna yoki kino asari ushbu romanda ifoda etilgan atmosferani takdim eta olmaydi!