Ruhoniy qizi

Jorj Oruell asarlarini sevib oʻqimagan oʻzbek kitobxoni boʻlmasa kerak. U bizga shunchalar tanish va qadrli, adabiyotda u tanlagan yoʻl va uslubni ham yaxshi bilamiz. Ammo, endi biroz shoshmaylik. “Ruhoniy qizi” Oruellning biz bilgan asarlari va uslubidan farq qiladi. Aytish mumkinqi, bu mavzu adib ijodida yangi yoʻl ochgan. Demak, asar haqida ikki ogʻiz. Doroti Heyr – Angliyaning chekka hududlarida yashovchi cherkov ruhoniysining yakka-yu yagona qizi. Uni halimlig-u taqvodorlik inson suratidagi koʻrinishi deyish mumkin. U hayotni din ahkomlaridan va oʻz cherkovi targʻibotidan iborat deb biladi. Shunchalik taqvodorki, umrini din yoʻlida bagʻishlashni maqsad qilgan va bundan oʻzgacha hayot tarzini tasavvur ham qilolmaydi. Ammo inson bolasining oʻy-maqsadlari bilan taqdir u uchun belgilagan yoʻl oʻrta-sida hamisha farq boʻlgan. Doroti bilan ham xuddi shunday boʻldi. Oʻzi yashagan grafik hududidan tashqariga chiqmagan, kichkinagina shaharcha aholisidan boshqa odamni koʻrmagan navnihol qizni taqdir ulkan shaharga yetaklab keldi. Yana qanday deng? Uning uchun no-maqbul va nomatlub bir ovoza va achchiq qismat koʻrguligi bilan... Aziz kitobxon, bu yoʻlda Dorotini nimalar kutayotgani, oʻzi belgilagan maqsad sari odimlar, qanday qiyinchiliklarni boshdan kechi-rishi, qolaversa, Jorj Oruell ijodida yangicha yoʻl boʻlgan asar siz uchun qiziq boʻlsa, bizga hamroh boʻling.