RUSTAMXON

AZIZ KITOBXONLAR! Qoʻlingizdagi ushbu kitob, yaʼni “Rustamxon” dostoni oʻzbek va turkman xalq ogʻzaki ijodiga mansub boʻlib ming yillar davomida xalqimiz baxshilari tomonidan kuylanib, xalqimiz tomonidan sevib tinglangan. “Rustamxon” dostonining ushbu nusxasi xalqimizning mashhur baxshisi Fozil Yoʻldosh oʻgʻli (1872-1955) tomonidan kuylangan va Hodi Zarifov (1903-1972) tomonidan yozib olingan, nashrga esa bolalarning mashhur shoiri Zafar Diyor (1912-1994) tayyorlagan. “Rustamxon” dostonida oʻzbek xalqining azal-azaldan imon-eʼtiqod, or-nomus, islom dinining va ezgu muoʻbatinning ulugʻlanishi, haqiqatning doimo gʻalaba qozonishi yorqin ranglarda aks ettirilgan. Siz dostonni oʻqish davomida Sultonxonning farzandsizligi, uning oʻrtancha xotini Huroyimning farzandli boʻlishi haqidagi xabardan keyin safarga chiqib ketishi, Rustamxonning tugʻilishi, ikki kundoshning qilgan yovuzliklari, Mirxon kampirning kirdikorlari, Rustamxonning onasi Huroyim bilan birga qolgan safari, Rustamxonning ayderni oʻldirishi, Ofgʻonlar bilan urishi, oxir-oqibat Sultonxonning Huroyim va Rustamxon bilan qayta topishishiga guvoh boʻlasiz. Shuningdek, siz ushbu dostonni oʻqish davomida xalqimizning bir qancha tarixiy-etnografik urf-odatlari, safar, ota-bola munosabatlari, iymon va eʼtiqod haqida maʼlumotlarga ega boʻlasiz.