SARBADORLAR

O‘zbekiston xalq yozuvchisi, Davlat mukofoti laureati Muhammad Alining «Sarbadorlar» (1989) tarixiy dilogiyasida xalqimizning xuddi ana shu davrda Samarqandda yuz bergan sarbadorlar xalq ozodlik harakati bilan bog‘liq voqealar qalamga olingan. Xalqimiz asrlar davomida ozodlik uchun kurashib kelgan, u kurashlar qatlam-qatlam bo‘lib yuraklarda yotibdi, ular asrlardan asrlarga o‘tib, avlodlarni to‘lqinlantirib kelmoqda. Oddiy xalq vakillari bo‘lgan sarbador bobolarimiz Vatan mustaqilligi uchun kurashdilar, yurtga bostirib kelgan mo‘g‘ullarni yengib, yurtdan quvib yubordilar, xalqning buyuk kuch ekanini namoyish etdilar. Va mustaqil davlat tuzdilar. Yevropada esa bunday hodisa (Parij kommunasi) sarbadorlardan 500 yil keyin – 1871-yilda yuz bergan edi, xolos... Bu tarixlarni kitobxonlar qancha ko‘p bilsalar, bugungi kunimizga shunchalar shukrona aytadilar, ozodlik qadriga yetadilar. Roman-dilogiyada Abu Bakr Kalaviy, Ro‘zdak Buxoriy, Mavlonozoda, Amir Temur singari tarixiy shaxslar ishtirok etadi. Unda o‘zbek nasrida birinchi marta Sohibqiron Amir Temurning yorqin obrazi yaratilgani diqqatga sazovordir. Asar shirali til bilan yozilgan, ravon o‘qiladi, qiziqarli voqealarga boyligi bilan o‘quvchini o‘ziga jalb etadi...