Sen bahorni sog‘inmadingmi?..

Qo‘lingizdagi kitobning birinchi qismidan uzoq yillar Oliy Majlis deputatlari sifatida ardoqli shoirimiz bilan birga faoliyat yuritgan, olis va yaqin yurtlar safarlarida hamrohlik qilib, hayotda doimo o‘zaro do‘st va dilkash hamsuhbat bo‘lgan inson – O‘zbekiston Respublikasi Fanlar akademiyasi akademigi, yuridik fanlar doktori, professor Akmal Saidovning sevimli shoirimiz bilan qariyb o‘ttiz yillik muloqotlari asosida qog‘ozga tushirilgan esse, maqola va xotiralari joy olgan. Ikkinchi qism ardoqli shoirimizning ko‘psonli shogirdlaridan biri – shoir, tarjimon, O‘zbekiston Respublikasida xizmat ko‘rsatgan jurnalist G‘ulom Mirzo qalamiga mansub esse, maqola va suhbatlardan iborat. Mualliflarning ushbu dil armug‘oni kitobxonlarni befarq qoldirmaydi, degan umiddamiz.